Timmisartorneq putsumit akornusersorneqarpoq

Pujoq timmisartukkut angallannermut suli akornutaasoq, pitsanngoriartortutulli isikkoqartoq, Air Greenlandip nalunaarutigaa.

Timmisartorsuaq Danmarkimeersoq Kangerlussuarmut ippassaq minngitsoorpoq, utiinnarlunilu. Ualeruli nalunaaqutaq pingasunut tanneq aqqaneq tikissangatinneqarpoq, sisamat qaangerlugulu tanneq marluk aallaqqissalluni.

Qulimiguulik ullumikkut siullerpaatillugu aallartinneqarpoq, Nuummit Paamiunut aallartinneqarluni. Timmisartorlu alla Nuummit Narsarsuarmut aatsaarluinnaq aallartinneqarluni. Taakku saniatigut Ilulissanit Qaanaamut aallartitsinissaq pilersaarutigineqarpoq.

- Timmisartut taakku sila angallaviusinnaanngoriarpat aallartinneqassapput, Air Greenlandip paasissutissiisartua Tupaarnaq Rosing Olsen oqarpoq.

Timmisartuutileqatigiiffiup aamma neriuutigaa, timmisartut marluk kingusinnerusukkut aallartissinnaassallugit, taakkulu tamarmik Nuummit Kangerlussuarmut ingerlaartinneqartussaassapput.