Savalimmiormiut oqartussaaffeqarnerulissapput
Savalimmiut oqartussaaffeqarnerunissaanut inatsisissat Danskinit Savalimmiormiuniillu suliarineqarsimasut marluk Savalimmiuni inatsisartut amerlanerussuteqartut ippassaq akuersissutigaat.
Oqartussaaffeqarneruniisamut inatsisissanut ilaavoq nunanik allanik Danmarki peqataatinngikkaluarlugu isumaqatigiinniarsinnaaneq.
Savalimmiuni partiip illuatungiliuttup Republikanerit inatsisissat akuerineqannginnissaat ilungersuutigigaluarpaa.
Republikanerit isumaqarput inatsisissat suliarilluagaanngitsut.
Republikanerit aaqqissugaanik inatsisartut ataatsimiittarfiata silataani akerliussutsimik takutitsisoqarpoq, taamaalisoqarneranilu naalakkersuisut siulittaasuannik Joannes Eidesgaardimik, socialdemokratineersumik tatiginninnginnermik Republikanerit nalunaaruteqarput.
Savalimmiut oqartussaaffeqarnerunissaanik inatsisissat Folketingimi maanna akuerineqartussanngorput, akuerineqarsimaleriarpatalu Savalimmiormiut inuiaassutsimi ulluanni, julip 29-ianni atuutilissallutik.