Nanortalimmi kommunalbestyrelsi inissippoq

Nanortallip Kommuneani kommunalbestyrelsi nutaaq inissippoq, suleqatigiinnissamillu isumaqatigiissut Siumukkunniit, IA-kkunniit Demokraatinillu atsioqatigiissutigineqarpoq.

Ilimagisaasumillu Tage Frederiksen Siumumeersoq borgmesteritut inissippoq. Borgmesterip tullia siullertut inissittoq tassaavoq Debora Kleist IA-meeersoq, tulliallu aappaattut qinerneqarpoq Demokraatineersoq Peter Borg.

Kommunalbestyrelsimi inissat qulingiluaasunit suleqatigiinnissamut isumaqatigiissuteqartut arfineq-pingasuupput.

Atassummeersoq Thomas Ezekiassen kisiartaalluni suleqatigiinnissamut atsioqataanngilaq, borgmesterimulli qinersisoqarmat akerliusoqanngilaq, Atassut aamma akerliunngimmat.

- Isumaqatigiinniarnerit ingerlalluarsimapput, ataasiusumillu oqaatigineqarpoq ukiuni tulliuttuni sisamani Nanortalimmi pissutsit pitsaanerusunngortinneqarnissaat anguniarneqassasoq, borgmesterinngortoq Tage Frederiksen radioaviisimut oqarpoq.