Ulloq unnuarlu paaqqinnittarfiit, meeqqanik pisariaqartitsinerusunik, sakkortunerusunillu tigusisarnerisa annertunerulersimanerat, ulloq unnuarlu paaqqinnittarfiit pillugit 2004-mut ukiumoortunik nalunaarut pillugu, Nuummi Ulloq unnuarlu paaqqinniffimmi Uulinermiuni pisortap Anna Maria Bloch-Nielsenip ilisaraa.
- Meeqqat pisariaqartitsinerusut tigummisarilernikuugatsigit, aningaasanik amerlanernik pisariaqartitsineq pilersimavoq. Sulisunik pikkorissaasarnissaq aamma pisariaqarlersimavoq, ineriartornerlu taamaaginnassappat, tassa meeqqat pisariaqartitsinerusut sakkortuumillu pissusillit tigujuassagutsigit, pisariaqalissaaq meeqqanik ikinnerusunik Uuulinermiuni tigusisalertariaqalernissarput, Anna Maria Bloch- Nielsen oqarpoq.
Namminersornerullutik oqartussani ulloq unnuarlu paaqqinnittarfiit pillugit allaffimmi, maannakkut suleriaaseq allaanerusoq ingerlanneqalissaaq, taamaattoqarneralu Uulinermiut pisortaata Anna Maria Bloch-Nielsen-ip isumalluarfigaa.
- Meeqqat qanoq pisariaqartitsitigineri apeqqutaatillugit ulloq unnuarlu paaqqinnittarfiup allaffiannit immikkoortinneqartalerpata, uagutsinnut suliaq oqinnerulersitsissaaq, Anna Maria Bloch- Nielsen oqarpoq.
Uulinermiut pisortaat Anna Mariia Bolch-Nielsen taama oqarpoq.
Ilaqutariinnermut Naalakkersuisoq, Tommy Marø ulloq unnuarlu paaqqinnittarfiit pilugit oqaaseqarnianngikkallarnerarpoq.