Grønlandsbanki aningaasanik sinneqartoorneruvoq
28. april 2005 07:32
Qaammatini siullerni pingasuni Grønlandsbankip sinneqartoorutai ilimagisamit annertunerusut aviisip Ervhervsbladip allaaseraa.
Taamaakkaluartoq ukiup naanerani amerlanerusunik sinneqartoornissaq Grønlandsbankip ilimaginngilaa.
Ukiup ataatsip matuma siornanut sinneqartoorneq naleqqiutissagaanni 20 mio.kr.-nik amerlanerusunik Grønlandsbanki sinneqartoorsimavoq. Naliginnaasumik bankip isaatittagai 21. mio.kr-niupput, taakkualu 6 mio.kr.-it missaannik ukioq kingullermut naleqqiullugu amerlanerusimapput.
Grønlandsbankip siulersuisui oqarput bankip aningaasanik atukkiisarnera annertunerulersimasoq, taamaattoqarneralu pissuteqarpoq Grønlandsbankip aningaasanik isaatitaqarnerulerneranik.