Atorfillit akiliunneqartalissapput
Atorfillit nuunnerannut atatillugu atorfimminnit soraalutik angerlalersut tamarmik akiliunneqarsinnaalerput, taama Aningaasaqarnermut Pisortaqarfik nalunaarpoq.
Atorfillit atorfimmulluunnit atatillugu inigisaminniit anisimallutik allamik initaarsimagaluarunik namminerisaminnilluunniit illutaarsimagaluarlutik nunagisaminnut illoqarfigisaminnulluunniit utertussanngortut akiliunneqartalissapput.
Taama aalajangerneq ilinniagartuut kattuffiata AK-p siulittaasuata Flemming Guntofte Nielsenip nuannaarutiginerarpaa.
Flemming Guntofte Nielsen oqarpoq nammineq paasisani malillugit, angerlarnissamut akiliunneqartalernissap akuerineqarnera sioqqullugu atorfillit arlaannaalluunniit nammineq akilikkaminik angerlartariaqarsimangitsoq, atorfilinnik angerlartitsinermi periaaseq maannamut atortinneqartoq suliffiutilinnit suliffeqarfinnillu malinneqarsimammat.