Politiit unnerluutigineqartut
Angutip Eqalugaarsunneersup 20-inik ukiullip Qaqortup isertitsiviani siorna marsimi toquneranut atatillugu politikommissæri politeerlu unnerluutigineqartut, Nuummi vicepolitimester Steen Thomsen ilisimatitsivoq.
Angutip 20-inik ukiullip Qaqortup isertitsiviani toquneranut atatillugu politikommissæri politeerlu pineqartut atorfimminnik sumiginnaasimasutut unnerluutigineqarput. Kommisærip unnerluutigineqaatigaa, Qaqortumi isertitsivimmi piffissami sivisujaami nakkutilliineq pillugu takussutissamik amigaateqartoqarnera.
Taamatuttaaq unnerluutigineqartup aappaata politiip isertitsivimmi nakkutilliinermini takussutissanik amigaateqarnini angutillu 20-inik ukiullip isertitsivimmiinnerani nakkutilliilluarsimannginnini unnerluutigineqaatigai.
Unnerluutiginninnerit Qaqortup eqqartuussivianut suliassanngortitsissutigineqarput, piffissamilu sivisunngitsumi suliarineqassangitinneqarlutik.