Tuluit oqaasii atuartitaanermi salliutinneqarusupput
20. april 2005 10:39
Inatsisartut tassuugu ataatsimiilerunik ilinniartitaanermut apeqqutit annerusumik oqaluuserissavaat.
Oqaluuserisassallu qimerlooraanni siumummersoq Doris Jakobsenip meeqqat atuarfiini danskit oqaasiinik atuartinneqartarnermut taarsiullugu tuluit oqaasii atuartitsissutigineqartalernissaat siunnersuutigaa.
Doris Jakobsenip aamma siunnersuutigaa ilinniartut kalaallisut soraarummeersinnaatitaasariaqartut, qanorluunniit ilinniartitsisut censorilluunniit danskiutigigaluarpata.
Inatsisartut oqaluuserisassaasa aamma ilagaat ilinniartut praktikerfisaaleqisarnerat.