Nuna tamakkerlugu inernerit saqqummiunneqarsimalerput

Namminersornerullutik Oqartussanit kommuninut qinersinermi inernerusut pisortatigoortut saqqummiunneqarput, tassanilu ukioq manna qinersinermi inernerusut kingullermillu kommuninut qinersinermi inernerusut saqqummiunneqarput.

Nuna tamakkerlugu ukioq manna qinersisinnaasut 38.929-put. 2001-imi 37.864-iusimallutik.

Ippassaq qinersinermi Atassut sinnerlugu sassartut katillugit 4976-init taaneqarsimapput %-nngorlugu 19,31-inik. 2001-imut naleqqiulluni kinguariaat

5,16 %-lluni.

Demokraatit sassartitaat 3357-init taaneqarsimapput %-nngorlugu 13,03-imik. Demokraatit kommuninut siornagut sassarnikuunngillat.

Siumut sassartui 10471-init taaneqarsimapput %-nngorlugu 40,64-imik. 2001-imut sanilliulluni kinguariaat 3,47 %-lluni.

Inuit Ataqatigiit sassartui 5838-init taaguunneqarsimapput %-nngorlugu 22,66-imik. 2001-imi qinersinermut sanilliulluni siuariaat 2,32 %-iuvoq.

Kattusseqatigiit 1, katillugit 1026-inik kiisalu Kattusseqatigiit 2, katillugit 47-inik taaguunneqarsimapput. Kattusseqatigiit 2001-imi qinersinermit maannamut katillugit, 4,56 %-imik kinguariaateqarsimapput.

Qinigassanngortittut ataasiakkaat katillutik 53-inik taaguunneqarsimapput.

Taasinerit assigiinngitsut nittartakkami uani misussuataarneqarsinnaapput: www.qinersineq.gl