Taaneqarnerpaanngikkaluarluni borgmesteriuinnarusuppoq
05. april 2005 22:12
Qaqortumi qinersisoqarnerani allanngortoqarpallaanngikkaluartoq, IA-p ilaasortaatitai marlunnik ilanngarlutik Demokraatit marlunnik isertitaqarput.
Siumut Qaqortumi suli amerlanerussuteqarluarpoq. Borgmesteri Tommy Marø Qaqortup kommuneani Siumut sinnerlugu taaguunneqarnerpaanngikkaluarluni 201-nik taaneqarluni borgmesteriuinnarnissani ilimagaa. Qaqortumi siumut sinnerlugu taaguunneqarnerpasimavoq Simon Simonsen, taanna 230-nik taaneqarsimagami.
- naliginnaasumik taaneqarnerpaasimasoq borgmesterinngortarpoq, uangali ukiuni arlaqartuni ingerlatsilluarsimagama naatsorsuutigaara borgmesteriuinnassallunga, Tommy Marø oqarpoq.