Aasianni IA ajugaarujussuarpoq
05. april 2005 21:23
Aasianni Atassut kinguariarluni Inuit Ataqatigiit siuttunngorpoq.
Inuit Ataqatigiit sinnerlugit qinersinermi taagorneqarnerpaasoq, Ane Hansen, ukiuni arlaqartuni borgmesteriunngereerluni qinersisartunit 419-nit taaneqarluni bogmesterinngoqqippoq.
Inuit Ataqatigiit kommunalbestyrelsemi ilaasortaatitaat siornatigut tallimaasimasut maannakkut arfinineq-marlunngortut. Atassutip ilaasortaatitai sisamaasimasut maannakkut ataatsimik ilanngarlutik pingasuinnanngortut Siumup ilaasortaatitai aamma ataatsimik ilanngarlutik ataasiinnanngorpoq.