Narsami borgmesteri arnaq?
05. april 2005 20:33
Narsami kommunimut qinersinermi arnamik borgmestereqalernissaa ilimanarsivoq.
Kommunalbestyrelsemut Narsami qinersinermi taaguunneqarneqarnerpaavoq Siumut sinnerlugu qinigassanngortissimasoq Kista P.Isaksen, taanna 137-nik taaneqarsimavoq.
Narsami Atassutip partiia ajorsarpoq, ilaasortaatitaq ataaseq annaagamikku. Maluginiagassaavoq Atassut sinnerlugu Narsami qineqqusaartarsimasoq Finn Karlsen qinersinermi uani Narsami qineqqusaanngimmat.