Qinersiartorsimasut procentinngorlugit

05. april 2005 19:30

Nunatsinni illoqarfiit anginerit akornanni qinersisartut taasiartorsimasut qinersonermut siulianut sanilliullugu allannguuteqangaarsimanngilaq.

Ilulissani qinersiartorsimasut procentinngorlugit amerleriangaatsarsimapput. 2001-mi ommuunimut qinersisoqarmat innuttaasut 73 procentii taasiartorsimapput, ukioq mannalu qinersinermi 79,5 procentit taasiartorsimallutik.

Sisimiuni qinersiartorsimasut procentinngorlugit taasiartorsimasut ikileriarsimapput. 2001-mi taasiartorsimasut 67 procentiusut ukioq manna

taasiartorsimasut 63 procentiinnaasimapput.

Nuummi qinersiartorsimasut procentinngorlugit qaffariaallassimapput, ukioq manna taasisinnaatitaasut 59 procentii taasiartorsimammata, ukioq 2001-mi taasiartorsimasut 56 procentiisimallutik.

Qaqortumi qinersiartorsimasut procentinngorlugit appariangaatsiarsimapput. Ukioq manna qinersinermi taasiartorsimasut 71 procentiinnaasimapput, 2001-mi qinersinermi taasiartorsimasut 77,5 procentiisimallutik.

Hvis du har fundet en fejl i artiklen, kan du skrive til os her.

Læs også