Qinersineq nittartakkatigut malinnavigiuk

Kommunalbestyrelsenut qinersinermi nittartakkatigut malinnaasoqarsinnaasoq, Namminersornerullutik oqartussanit nalunaarutigineqarpoq.

Qinersinermut ataatsimiititaliaq Kanukokallu qarasaasiaqarfia KIT-ti suleqatigiillutik qinersinermi inernerit unnugu naatsorsorneqarneranni kalaallisut qallunaatullu malinnaavigineqarsinnaapput ugguuna: www.qinersineq.gl

Sinerissami illoqarfinni qinersisitsisut qinersinermi taasinermi kisitsisit qarasaasiakkut ingerlatereerpagit, qinersinermilu ataatsimiititaliap ajunnginneri uppernarsereerpagit nittartakkamut ingerlateqqittassagaat, Namminersornerullutik Oqartussaaniit Ole Bjarke Nielsen allappoq.

Nittartagami aamma kommunalbestyrelsemut kingullermik qinersisoqarmat inernerusimasut takuneqarsinnaapput.

Qinersinermi ataatsimiititaliap neriuutigaa taasinerni kisitsinerit sivisuallaassanngitsut.