Allakkanik nakkartitsiviit ataatsimoortinneqartalissapput
Aalajangersakkat nutaat apriilip aallaqqaataanit atuutilersut naapertorlugit inissiarsuarni quleriiaani nutaani allakkanik nakkartitsiviit ataatsimoortumik inissinneqartalissasut, Ineqarnermut Pisortaqarfiup nalunaarutigaa. Allakkanik nakkartitsiviit inissiarsuarni allernut inissinneqartalissapput.
Taamaaliornikkut allakkanik tunniussisarnerit ajornannginnerulersinniarneqarput.
Maleruagassat nutaat naapertorlugit inoqutigiit allat tamarmik decemberip naggataa nallertinnagu matuni allakkanik nakkartitsivissanik imaluunnit allakkanik nakkartitsisarfinnik aamma pilerneqarsimassapput.
Allakkanik nakkartitsisarfinnik imaluunnit allakkanik nakkartitsisarfeqarfinnik ikkussuinissaq illumik piginnittup akisussaaffigissagaa aningaasartuutigissagaalu pisortaqarfik ilisimatitsivoq.
Maleruagassallu malinneqanngippata Post Greenland allakkanik agguaassinngitsoorsinnaasoq, tigusisussallu allagarsiassaminnik aallernissaq namminneq isumagagissagaat erseqqissaatigineqarpoq. Innarluutillit angallarluttullu namminneerlutik aallersinnaanngitsut immikkut akuersissuteqarnikkut angerlarsimaffimminnut aatissinnaavaat.
Maleruagassat nutaat illoqarfinnut taamaallaat atuutsinneqarput.