Great Greenland Canada-lu

01. april 2005 07:22

Canadami puisit anaalerlugit toqorarneqartartut amiisa amerlanersaat Kalaallit Nunaata Danmarkillu pisiarisaraat ritzau-mit allaaserineqarpoq.

Danmarkimi naatsorsueqqissaartarfiup allattugaani takuneqarsinnaavoq puisit amii Canadameersut 58.600-usut, ukioq kingulleq Kalaallit Nunaannut eqqunneqartarsimasut, 5600-llu missaat Danmarkimut eqqunneqarsimallutik.

Ulluni makkunani puisit 300.000-it Canadami anaalerlugit toqorarneqarput. Puisinik toqoraanerit unitsinniarlugit uumasunik illersuiniaqatigiiffinnersut maannakkut ulapputileruttorput.

Great Greenland-mit oqaaseqartinneqartartoq ritzau-mut oqaatigerusussimanngilaa, ukioq manna puisip amiinik Canadameersunik Great Greenland tikisitseqqissanersoq. Great Greenland-ip aamma oqaatigerusussimanngilaa ilumut puisit amiinik Canadameersunik tikisitsillutik atuisarsimallutik.

Canadami puisinik toqoraasarneq pisortanit illersugarineqarpoq, illersuinermullu patsisilersuutigineqarluni illoqarfinni isorliunerusuni aningaasarsiornermut puisinniartarneq ikiuutaalluartoq.

Hvis du har fundet en fejl i artiklen, kan du skrive til os her.

Læs også