Inuusuttut 14-t nunatsinneersut Japaniliarlutik nunatta kulturia ilisaritikkiartussamaarpaat, Japanillu kulturia namminneq paasisassarfigissamaarpaattaaq. Taitsi Trondheim Japaniliaqataassaaq.
-Pissangavunga. Ullumi isiginnaartoqarluta misilitsikkatta pissangaammernartorujussuuvoq, kukkunalaarlunilu, kisianni ilikkarnartorujussuuvoq, TaitsiTrondheim oqarpoq. Tusarnaartitsinerit takutitsinerillu assigiinngitsuni ingerlanneqartassapput, soorlu atuarfinni, festivalerfinni kiisalu danskit Japanimi aallartitaqarfianni.
Taamatut inuusuttunik Japaniliartitsineq pisinnaalersimavoq Nuummi Inuusuttut Siuarsartut (NUiF) kiisalu suleqatigiiffiup Igalaap suleqatigiinnerisigut. Inuusuttut namminneq kajumissutsiminnik sulipput, angalaarnissamullu aningaasaliisut ikigisassaanngillat. Angalanermi suliffeqarfiit assigiinngitsut angalaqataassapput, tunisassiatillu takutissortassallugit.
Inuusuttunilu peqataasut kalattuussanerarpoq.
-Isiginnaassialiatsinni kalattuussaanga, tamattalu kalaallisuunik atugaqarumaarpugut. Kalaallisooreerutta tamatta qernertunik atisalissaagut, assigiinnerput takutinniarlugu. Ilimagaara misigisaq nuannersorujussuussasoq, Laila Salling pissangarpaseqaluni oqarpoq.
Inuusuttut 138-t nunanit 12-neersut Katuami siorna katersuunneranni Japaniliartoqarnissaannik pilersaarutit pinngorput.