Nuummi illerfiit akikitsut

Nuummi illerfissarsiutileqatigiit Canadamiit illerfinnik akikinnerusunik tikisitsisalersimapput, sinerissamilu peqatigiiffiit allat soqutiginnittut peqatigiiffiup ikiorusuppai.

Ullumikkut illerfik 8.500 kroneqarpoq, Canadameersullu illerfiit taamaallaat 2.300 kroninik akeqartut, Nuummi Illerfissarsiniutileqatigiinni siulittaasoq ElseLea Olsen oqarpoq.

- Illerfiit kusanartorujussuupput, atortussaalu tamaasa ilaareerlutik. Tikisitsisalernerput peqatigiiffimmut assut iluaqutaassaaq. Massakkut bingo-rnikkut aningaasartuutit matussuserneqartarput. Peqatigiiffiit sinerissameersut soqutiginnippata maani Nuummi Canadamut attavetaaterput attavigineqarsinnaavoq, ElseLea Olsen oqarpoq.

Nuummi Illerfissarsiutileqatigiinnut ilaasortaaneq ukiumut 100 kroneqarpoq. Ilaasortaagaanni ilisinermi aningaasartuutit akilerneqartarput. Ullumikkut ilisineq 20.000 kronit tungaanut akeqarpoq.