Umiatsiaq ikuallaleraluartoq
12. marts 2005 16:52
Nuummi qatserisartut ualimut angallateeqqamut talinngasumut ikuallalersimasumulli orniguttariaqarsimapput.
Ikuallanneq aallartippoq umiatsiap inuttaata umiatsiami ineeraanik kissassaaniartilluni primusi ikumatitaa umiatsiamik ikuallatsitsilermat.
Angutip nammineerluni umiatsiani ikuallalersoq qamissinnaasimavaa, putsumilli ajoqusersimassasoralugu qatserisartut angut napparsimaviliaassimavaat, ualimulli angut ajoquteqanngimmat napparsimavimmit angerlartinneqarsimavoq.