USA-p nunattalu akornanni niueqatigiinikkut suleqatigiinissarsuaq pillugu piareersarneq aallartisarneqalersoq, Sermitsiaq Inuussutit ullumi saqqummersoq allappoq.
Amerikamiut niuernermut minnistereqarfiat majip qaammataani Wahington-imi ataatsimeeqatigiinissamuta aggersaavoq, nunatsinniit Amerikami suliffeqarfiit niueqatigineqarsinnaasut ikigisassaangitsut ataatsimeeqatigineqassallutik.
Danmarkimi Amerikamiut aallartitaqarfianeersut, Danskit minnistereqarfianeersut peqatigalugit, nunatsinni suliffeqarfiit sorliit majimi Washington-imi ataatsimeeqataasanersut pillugit piareersaasiorput.
Ataatsimeeqataasussallu ikigisassaanavianngillat, sanaartortut, inuussutissalerisut, olieqarneranik aatsitassaqarneranillu misissuisut, aalisakkerineq, takornarialerisut, assartuinermillu suliaqartut majimi ataatsimiinissami nunatsinniit soqutiginnittut, Niels Tanderup Ktistensen, Danmarkimi nunaut allanut pisortaqarimmeersoq Sermitsiamut oqarpoq.