Inissiaatileqatigiiffik INI-mi aaqqissuuseqqinneq attartortut ilaasa sipaarnerulernerannik kinguneqarpoq. Ukioq kingulleq inissiat Namminersornerullutik Oqartussat suliffeqarfiutaanit pigineqartut pingajorarterutaat kattutsinneqarput, tamannalu inigisamut akiliutit qaffanneqannginnerannik kinguneqarluni.
Tamanna aamma pilersaarusiornerup aningaasartuutinillu suliaqarnerup akikinnerulerneranik kinguneqartoq Ineqarnermut Pisortaqarfimmeersoq Olafur P Nielsen oqarpoq.
-2005-mi Ineqarnermut akiliutip qaffannera minnerpaaffissaminiippoq, ukiunilu arlaqaqisuni qaffaaneq aatsaat taamak annikitsigaluni. Immikkoortortarpaalunnilu ineqarnermut akiliut allanngortinneqarsimanngitsoq Olafur P Nielsen aamma oqarpoq.
Akissarsiallu qaffannerat akillu allat qimerlooraanik tamanna inigisap akiata apparneranik aamma taaneqarsinnaasoq Ineqarnermut pisortaqa
rfimmi pisortaq isumaqarpoq. Siornatigut INI-mi immikkoortortat 120-iugaluarput, massakkullu 80-inut ikilisimallutik.