Grønlandsbanki sinneqartuulaarpoq
16. februar 2005 10:34
Grønlandsbanki akileraarutit akileereerlugit siorna 64 mio. kr-nik sinneqartoorpoq, sinneqartoorutilli 2003-mut sanilliullugit 400.000 kroninik ikinnerupput, aammami aningaaserivup tamanna naatsorsuutigereerpaa. Aningaaseriviup inernerusoq ilimagisaminit pitsaanerutippaa.
Aningaaserivimmit sullinneqartut 5 %-mik akiliinerusimapput.
Pisortaq Svend Erik Danielsen oqarpoq siorna qaammatit pingasut kingulliit suliaqarnerusimallutik, iluanaaruteqarlutillu.
Aningaaserivimmit nalilerneqarpoq, nunatta aningaasaqarnera ukiup ingerlanerani pitsanngorialaarumaartoq, ingammik illoqarfinni anginerni sisamani.