Aalisartukkormiut ajornartorsiorput
Kommunit paasiniaaqquneqalerput ilaqutariinnik aalisartukkormiunik ukiorluunera pissutigalugu aningaasatigut ima ajornartorsiortigisunik, allaat meeqqaminnut iluamik isumaginnissinnaajunnaartunik, soorlu nerisassaqartitsinatik.
Kommuneqarfiit Kattuffiata taamaaliornera Uummannamiit saaffiginnissummik tunngaveqarpoq.
Margrethe Nielsen, Uummannami aalisartumut nuliaasoq, Kanukoka-mut saaffiginnissuteqarpoq siunnersuutigalugu aalisartut ikiorniarlugit nuna tamakkerlugu katersuiniartoqassasoq.
-Qanoq iliussaagut aalisartumik aappaqartugut, meeratavut kaatsissinnaanngilagut, Margrethe Nielsen Kanukokamut saaffiginnissummini allappoq.
Kanukoka kommuninut eqqaasitsivoq aalisartut piniartullu isertitaqanngikkunik innuttaasutut allatulli isumaginninnikkut ikiorserneqarsinnaasut.