Akitsuutit naatsorsuutaat takuneqarsinnaalissapput
Danmarkimi aningaaserivinnik atuisut atuinermut atatillugu akiliutaat ukiumoortumik naatsorsorneqartalissapput, naatsorsuutillu atuisunut nassiunneqartalissapput. Aningaaserivinnik atuinermi ukiumut akiliutaasimasut naatsorsorneqartalernissaat, Danmarkimi Atuisartut Siunnersuisoqatigiiffiata aningaaserivinnik isumaqatigiissuteqarneratigut piviusunngorpoq.
Aningaaserivinnik atuinermi akiliutit pillugit innuttaasut paasisimasaqarnerulernissaat tamatigoortumillu paasissutissinneqartalernissaat siunertaavoq.
Danmarkimi aningaaseriviit ilaat atuisut akiliutaat pillugit naatsorsuutinik nassiussaqartareerput, isumaqatigiissulli nutaaq naapertorlugu Danmarkimi aningaaseriviit tamarmik naatsorsuutinik nassiussisarnissaat piumasarineqalerpoq.
Taama isumaqatigiissuteqarnerup saniatigut Danmarkimi aningaaseriviit Atuisartullu Siunnersuisoqatigiiffiata isumaqatigiissutigaat aningaaseriviit assigiinngitsut akiliutaasa atuisunut takusassiarineqarnissaat.
Danmarkimi aningaaseriviit atuinermut akiliutinit siorna katillugit 14 milliarder kronenik iluanaaruteqarput. Danmarkimi aningaaserivinnut isumaqatigiissut nutaaq 2007-mi atulersussaq aamma nunatsinni Grønlandsbankimit malinneqassaaq. Taamallilluni Grønlandsbankimik atuisut atuinermut akiliutitik pillugit ukiumoortumik paasissutissinneqartalissasut, aningaasersiviup pisortaa Jesper Flensted Nielsen ilisimatitsivoq.