Kalaallit VM-mi angusaqarluanngillat
12. februar 2005 13:50
Timersornermut tunngasumut saassaagut.
Bormiumi Italiamiittumi VM-mik sisorarluni unamminerni Kalaallit ingerlalluarpallaarsimanngillat.
Ullumikkut unamminermi akannguaq Lennert allanngitsoorsimavoq napparsimalluni angerlarsimaannarsimagami.
Krister Støvlbæk-i aamma ingerlalluarsimanngilaq.
Krister Støvlbæk-ip naggammik danskit sisorartartui sinnerlugit sangusaarluni sisunerani oqaatigineqarpoq normu 101-iulluni aatsaat aallarsimasoq. Aput sisorarfigisaa pitsaavallaarani nungullarsimaqisoq oqaatigineqarpoq, Krister Støvlbæk-illu sisunerani siullermi ingerlangaatsialaareerluni orlusimavoq taamaasillunilu sangusaarnermit anisimalluni.
Unamminermi Østrigimeersoq Benjamin Raich ajugaavoq.