Piginneqataassutit pigilerpaat
Danmarkimi aningaaserivissuup Nationalbankip Grønlandsbankimi pigineqataassutiminik Namminersornerullutik Oqartussanut tunisinera aningaaserivinnik nakkutilliisup, Finanstilsynip, akuersissutigaa.
Nationalbankip piginneqataassutai 13,7 procentiusut Namminersornerullutillu Oqartussanit 89 mio.kr-ilerlugit pisiarineqarput. Piginneqataassutit februaarip 15-anni Namminersornerullutik Oqartussanit pigineqalissapput.
Piginneqataassutit pisiarineqarnerisigut Kalaallit Nunaata Grønlandsbankimi sunniuteqarnerata annertusinissaa anguniarneqartoq, aningaasaqarnermut naalakkersuisoq Josef Motzfeldt ilisimatitsivoq.
Namminersornerullutik Oqartussat Nuna Fondi aqqutigalugu 13 procentinik piginneqataassuteqareerpoq, Nationalbankillu piginneqataassutaanik pisinikkut 27 procentit nnunatsinniit pigineqalerput.