Kuupik Kleist: Sulinerput iluarineqarpoq
Kuupik Kleistip nunatta namminersulernissaa pillugu Folketingimi suliniarnini nangittussanngorpaa. Kuupik qinersinermi 5168-inik taaguunneqartoq oqarpoq, qinersinerup takutikkaa IA-ip polikikkut siunniussai akuerineqartut
Kuupik Kleistip qinigaanini tuppalliutigalugulu qujamasuutigaa sulisimanini pillugu qinigaaqqikkami. Kuupik misigisimavoq qinersinermi unammingaatsiaqalutik, qinigassanngortittullu partiimi kattusseqatigiinnilu siulittaasuunertik akigalugu folketingimut ilaasortanngorniarsarisut unammillutigit,
- qinigaaqqikkama nuannaarutigaara soorunami, Kuupik Kleist oqarpoq. Aamma oqarpoq naluneqanngitsutut folketingimi ukiuni kingullerni pingasuni suliat pingaarutillit aallartissimagitsik, suliassallu nanginneqartussat tassaasasut avatangiisinut namminersulerniarnermullu tunngasut.
Nunatta namminersulivinnissaanut ataatsimiititaliarsuup sulinera naammassisussaavoq, ilaasotallu sunnerniagassaanerarpai, anguniarneqassammat nunatta oqartussaassusia aningaasarsiornikkullu nammineernerunissaa.
