Kigutilissuup kigutai eqquteriaraluaraat

Kigitilissuup kigutai arlalissuit Danmarkimiit nunatsinnut eqquteriarneqarsimasut, sapaatip akunnerani kingullermi Københavnip mittarfianni arsaarinnissutigineqarsimapput. Avatangiisinut ministereqarfiup ataani immikkoortortaqarfimmi Skov- og Naturstyrelsimi atorfilik Niels Nielsen ilisimatitsivoq.

Taamaalioriartoqarsimanera nunatta avataanit isigineqarneranut innarliisinnaasoq, Greenland Tourism-mi takornariaqarnermut siunnersortip Mads Skifte oqarpoq.

- Nunatta avataanit isigineqarnera innarlerneqariaannaavoq, uagullu iliuuserisinnaasatuaraarput takornariartitsiviit sanaluttartullu kigutilliip kigutaanik sanasaqqunagit. Mads Skifte oqarpoq.

Kigutilissuup kigutaanik eqqusseriartoqarsimanera, Kalaallit Nunaannut kusanaatsuliornerusoq uumasunik pinngortitamillu illersuiniaqatigiiffiup Uppik-up siulittaasuata Jens Peter Lange oqarpoq.

- Taamatut iliorneq nunatsinnut kusanaattuliorneruvoq. Sanaluttartut allallu nalunngilaat kigutilissuup kigutaat nunanut allanut nunatsinnullu eqquteqqusaanngitsoq. Taamaattumik taamaallaat oqarsinnaavunga eqqussiniartoqartarnera annisseriartoqartarneralu unitsinneqartariaqartoq.

Jens Peter Lange oqarpoq.