Qinersisartunik ataatsimiititsinerit iluaqutaasarput
Nuummi sap. ak. naanera qinersisartunik ataatsimiisitsisaqattaarfiuvoq, tallimanngormalli arfininngormallu ataatsimiisitsinissaagaluit taamaatiinnarneqarput tusarnaarisat ikippallaarsimammata. Tamanna pillugu qinersisartut ataatsimiisinneqartarneri ilumut pisariaqarnersut sinerissallu sinneranut qanoq sunniuteqarnersut
Sisimiuni Knud Rasmussen-ip Højskoleata pisortaanut Lars Olsvig-mut apeqqutigaarput.
- najukkami ataatsimiisitsisoqartillugu pissanganartarpoq ornillugit malinnaaffiginissaat, tikillugit aammalu aperisinnaallugit, taanna nuannernerpaasarpoq, Lars Olsvig oqarpoq. Taanna isumaqarpoq soorlu TV-kkut malinnaanerit qinersisartunut minnerusumik sunniuteqartartut.
Qinersisartunut ataatsimiititsisarnerit minnerunngitsumik qinerseqqaartussanut sunniuteqartartut Olsvig isumaqarpoq.
- Pernaammik qinersisussanut iluaqutaasarpoq ornillugu takussallugu qanoruna pisartut kikkummita
qanoq oqariartuuteqarpat.
Lars Olsvig-ip qinersisartunut inuusuttunut tunngatillugu maluginiarsimanerarpaa inuusuttut meeqqanut inuusuttunullu tunnganerusunik suliniuteqartoqarnissaanik ujartuisut.
Knud Rasmussen-ip Højskoleani ilinniartut qinersinissamut misilinneqarsimapput, tassanilu qinerseqqaartussat amerlammata maluginiarneqarsimavoq allakkatigut qinersinissaq assut pissanngartutut isigineqartoq.
Taamaattorli Lars Olsvig-ip uggorinerarpaa Folketingimut qineqqusaarnerup sivikinnera.
- Taamaattumik qinersinerup matuma inuusuttunut qanoq pingaaruteqartiginera nalileruminaappoq.