Isumasiuisoqanngilaq
03. februar 2005 09:11
Qinersisoqannginnerani isumasiuisartoq HS analyse nunatsinni isumasiuinngitsoorpoq, apersuisussanik imaluunniit isumasiuisussanik pissarsisimannginnami.
HS analysemit Henrik Skydsbjergip qinersinissap tungaanut piffissakinneq tunngavilersuutigaa.
Inuit isumaat paasiniarniaraanni, inuit isumasiugassat 500-t 600-llu akornaniikkajuttarput, apersuisartussallu 20-t missaaniittariaqarlutik.
- Apersuisussanik pissarsiniarneq ajornaquteqanngilaq, taakkuli ilinniarteqqaartariaqarput, sapiissuseqarnissarlu qulaakkerneqartariaqarpoq, inuimmi sianerfigineqartussaagamik, Henrik Skydsbjerg radiooaviisimut oqarpoq.