Danmarkimut billetsit akikilinissat qinneqqusaarutigaat
Danmarkimut billetsit akikinnerulernissaat folketingimut qineqqusaartut tamarmik isumaqataaffigaat.
Qanoq ililluni billetstip akia appartinneqarsinnaava, aamma kiap tamanna akilissavaa, kiisalu billetsit akisunerujussui folketingimit qanoq iliuuseqarfigineqarsinnaagamik?
Demokraatit qinigassanngortitaata Per Berthelsenip kiisalu Atassummiit Arkalo Abelsenip oqaatigaat Frankrigimi periaasiusimasoq ilaarlugu, SAS-ip nunatsinni timmisartortitseqatigiiffimmut piginneqataanini atorlugu akikillisaasinnaasoq.
Frankrigip nunasiaatigisimasaminut takornarianik angallassinermi akikillisaasimavoq.
Danmarkimut billetsit akiisa appartinnissaannut Siumumit Doris Jakobsenip oqaatigaa Air Greenlandip piginneqataassutai nunatsinnnit oqarutssaaffigineqarnerusariaqartut, naalagaaffiullu tapiissutai aqqutigalugit bilitsinik akikillisaasoqartariaqartoq.
Kattusseqatigiinnit Anthon Frederiksen tamatumunnga inassutigaa foketingimi sulissutigineqartariaqartoq, Kalaallillu Danskillu naalakkersuisuisa suleqatigiillutik aaqqiiniartariaqarnerarpaat.
Inuit ataqatigiinnit Aviajaa Vanderseep piumasaraa naalagaaffiit saniligut timmisartumik orninneqarnissaat ammarneqartariaqartoq kiisalu nalagaaffik akikillisaanissaq pillugu oqaloqatigisariaqartoq.