Alaskami uuliasiornissaq akerlerineqaleriartorpoq
Alaskami nunami eqqissisimatitami uuliasiornissamik Buship pilersaarutaa Amerikami oqallisaaleqaaq.
USA-mi inatsisartuni ilaasortat kissaatigilerpaat Buship pilersaarutaa taasissutigineqartariaqartoq. Tassani patsisigineqarluni nunarsuarmi nukissiornermi periaatsit ajorsiartuinnartutut eqqartorneqaraluttuinnarmata.
Alaskami nunami eqqissisimatitami uuliasiortoqassanersoq, sapaatip akunnerata tulliani USA-mi inatsisartuni ataatsimiititaliap isummerfigissavaa.
Aatsitassaqarnermut ikummatissaqarnermullu ataatsimiitititaliap tamakkiisumik iliuusissaq pillugu februaarip qulingiluaani ataatsimiinnissaani Buship siunnersutaa aamma isummerfigissavaat. Tamakkiisumik iliuusissat assigiinngitsut ataatsimiititaliap eqqartoreerpagit, inatsisartuni taasissutiginissaa tullinnguutissaaq.
Avatangiisinik illersuiniaqatigiiffiit amerikamilu akerliuniat nunami eqqissititami aatsitassarsiornissamik ammaassinissaq eqqortuusorinngilaat, uumasunut kingunerlutsitsisinnaammat. Akerliusunit amerlanernit kissaatigineqarpoq, nukissioriaatsit allat misissorneqartariaqartut.
