Nannunniartitsisalernissaq akuliuffigineqassagunavippoq
Aviisi Politiken allappoq nunatsinni naalakkersuisut nannunniartitsisalernissamik pilersaarutaat nunanit tamalaanit akuliuffigineqarataannaasoq, nunatsinni nannut amerlassusiat ilisimaneqanngimmat.
- Paasissutissat erseqqinnerusut pigineqanngillat, Birgith Sloth, siunnersuisartoq, CITES-llu uumasunik nungutaalersunik niiverneq pillugu aalajangersagaliaanik ilisimasaqarluartoq oqarpoq.
Taasumap aamma nalilerpaa CITES-ip aallaffeqarfianit namminersornerusut saaffigineqarumaartoq, nannunnillu tunisassiat suulluunniit EU-mi tuniniaqquasaajunnaassasut, soorlu qilalukkanit sanaat taamaaliorneqaqqammersut.
Namminersornerusuniit Ole Heinrichip nunanit allanit akuliuttoqarnissaa tupiginngilaa, Canadamiut suleqatigalugit nannunik kisitsisoqareernikuummat, paasissutissallu iluaqutigalugit nannunniartitsisoqarsinnaalluni. Nannunniartitsisalernissami pisassat aasaru piaariissasut Ole Heinrichip ilanngullugu oqaatigaa.
Canadami nannunniarusuttut 160.000 koruuninik akiliisarsimappput.