"Hans Hedtoft" eqqaassuserneqalerpoq
Umiarsuarmi ”Hans Hedtoftimi” ajunaaqataasimasut eqqaassutissaannik uleersinissami pisortatigoortumik peqataassapput naalakkersuisut siulittaasuat Hans Enoksen aamma Dronning Margrethe.
Uleersineq Københavnimi Nordatlantens Bryggemi sapaatiuppat pissaaq. Eqqaassutissaq illumut, taamani 1950-ikkunni KGH-p illuutigisimasaani inissinneqarsimavoq.
Eqqaassutissamik uleersineq umiunermit inuillu 95-it ajunaaqataaneranniit ukiut 46-it qaangiunneranni malunnartinniarneqassaaq.
Umiarsuaq ”Hans Hedtoft” nutaajulluni angalaqqaarluni nunap isuata nalaani kivivoq.
Eqqaassutissaq Kalaallit Nunaata marmorianik sanaajusoq aningaasaateqarfimmit Grønlandsfonden-imit aningaasaliiffigineqarpoq.
Eqqaassutissami ajunaaqataasimasut 95-it aqqi kigartorlugit allanneqarsimapput, umiarsuarlu Hans Hedtoft assiliartarineqarpoq.