Uumasoq qaqutigoortoq ujaranngorniku
Qangarsuaq dinosauruseqarnerata nalaani uumasimasup qaqutigoortup sinnikuinik ilisimatuut Svalbardimi qanittukkut nassaarput. Nassaarineqartut ukiut 160 mio-it matuma siornagut uumasuupput, paarngortut, flyveøglenik taaneqartartut.
Nassaarineqartoq qangarujussuaq uumasuusimasuni maannamut nassaarineqarsimasuni qaqutigoornerpaanut ilaavoq, dinosaurusinik taaguusersuineq naapertorlugu Ichtyosauriusoq. Uumasoq pineqartoq ullumikkut nalunngisatsinnik aarluarsunnik kuukkooriarsuarnillu akusaasutut isikkoqartoq ilisimatuut oqarput.
Ujaranngornikoq 5 miiterit miss. takissuseqarpoq, qaasuttuusimagamilu ipittunik inngigissunillu kiguterujussuaqarluni.
Ichtyosaurusinik taagorneqartut sinnikui issittup nalaani aatsaat siumorneqartut, qaqutigoorluinnartutullu isigineqartut ilaat, Tysklandimi Tuluillu Nunaanni siornagut nassaarineqarnikuupput.