Air Iceland Nuummut timmisartuussisalerusuppoq

Nuummi mittarfik 400 meterinik tallineqartuuppat Nuup Reykjavikillu akornanni timmisartuussisinnaaneq periarfissaqalissagaluarpoq.

Islandimi timmisartortitseqatigiiffk Air Iceland Nuummut aqquteqalersinnaanissamut assut soqutiginnittoq, tassani pisortaq Jon Karl Olafsson oqarpoq.

Air Iceland nunatsinni timmisartuussisareerpoq, Reykjavikip Kulusuullu akornanni, aasakkullu Narsarsuarmut timmisartuussisarluni.

Timmisartoq Nuummut timmisartuussinermi atorneqartussaq, Fokkeri, 55-inik ilaasoqarsinnaavoq mittarfinnut 1200 meterisut takitigisunut missinnaalluni.

Jon Karl Olafsson oqarpoq Nuummi mittarfik tallineqartuuppat Nuummut aqquteqalersinnaanera timmisartuutileqatigiinni ukiumut marloriarluni pingasoriarluniluunniit eqqartorneqartartoq, timmisartuussisoqartalissappalli qassit soqutiginnissanersut paasiniarneqarsimanngitsoq.

Rekjavikip Nuullu akornanni timmisartuussineq nal.ak. 3 miss. sivisussuseqassaaq, billitsillu 2-3000 kr.-t miss. akeqassasoq naatsorsukannerneqarsimavoq.

Reykjavikimiit Københavnimut uterlugulu 2500 kr.-eqarpoq, Reykjavikimiit New Yorkimut uterlugulu 3000 kr.-eqarluni.