Nunat eqqissisimatitanut allaat uuliasiorfiginiarpaat
Alaska-p ilaani uulimik ujaasinissarsuarmut USA-p naalakkersuisui akuersisimasut tusagassiorfik Associated Press allappoq.
Uuliaqarneranik misissuiffigineqarniartup nunataa Alaskami innuttaasunit eriagineqarpoq, tamassuma nalaaniittarmata tuttorpassuit timmiarpassuillu aqqusaartartut.
Uumasoqarfissuup nalaani uuliamik gas-imillu annertuumik nassaartoqarnissaa ilimagineqarpoq.
USA-p naalakkersuisui pinngortitamik illersuiniaqatigiiffinnit sakkortuumik uparuarneqarnissartik piareersimaffiginerarpaat, pinngortitamillu illersuiniaqatigiiffiit eqqartuussivilersuussisinnaanissaat ilimagineqarpoq.
Præsident George Bush-p politikkiminut ilanngussimavaa USA-p avannarpasissortai uumasoqarfiit illersugaasut ilanngullugit uuliaqarneranik annertunerusumik misissuisoqassasoq.