Nuuk TV-p Asiami ajunaarnersuaqarneranut atatillugu akitsortserussineranit aningaasat tamakkingajallutik iserput.
TV-kut akitsorterussinermi katillugit 225.000 kr.-t nalinginut pisisoqarpoq, maannakkumullu pisisut pisiaminnik aallernerisigut 216.000 kr-it isertinneqarsimalersut Nuuk TV-miit ilisimatitsissutigineqarpoq.
Pisiat tamarmik aaneqarpata 225.000 kr.-t isertinneqarsimassasut katersuiniarnermi aaqqissuisoq Bo Eriksen oqarpoq.
Kalaallit Rødekorsiat maannakkumut 2,7 mio. kr-nik Asiami ajunaarnersuarmut eqqugaasunut ikiuutissatut katersuereersimasoq siulittaasoq Aase Nygaard oqarpoq.