Kalaallit Nunaata Radioani siulersuisut siulittaasuat Marianne Jensen Folketingimut qinigasanngortinnini pissutigalugu siulittaasutut tunuarpoq. Kultureqarnermut naalakkersuisoq taama nalunaartitsivoq.
Marianne Jensenip tunuarnerminut pissutigaa kissaatiginnginnamiuk qineqqusaarnermut ilaanermigut KNR-p kikkunnut tamanut pituttorsimanngitsutut isigineqarnerata apeqquserneqarnissaa. Siulittaasunngorallartussatut inissinneqarpoq siulittaasup tullia Pollas Lyberth.