Folketingimut qinersereerutta Atlantikup Avannaani qinikkat suleqatigiiffiata Danmarkip EU-mut attuumanera eqqumaffiginiarnerulissagaat Savalimmiuniit folketingimi ilaasortaq Høgni Hoydal oqarpoq.
EU-p tunngaviusumik inatsisissaa Danmarkip ungasinngitsukkut taaseqataaffigissavaa, Danmarkillu EU-mut attuumanermini maanna pissusiusut atorunnaassavai.
Savalimmiuniit nunatsinniillu suliassat EU-mit Bruxelles-imi ingerlanneqartalissapput, taamaammallu suliakkiissutissat amerlasuunit paasineqarlutik oqartussaaffigineqartariaqarput, Høgni Hoydal oqarpoq.
Savalimmiut nunattalu Danmarkimut ukiut 50-t matuma siorna ilanngutitinneqarneranut paasisat nutaat malersoqqinneqarnissaat Høgni Hoydalip aamma kissaatigaa.