Inuit Ataqatigiit siulittaasuata Josef Motzfeldt-ip tammajuitsussanik nannunniartitsisalernissap Danmarkimi tusagassiortunit sammineqarnera kusanaagaa.
Aviisimi BT-mi apeqquserneqarpoq, kalaallit uumasunik nungutaanissamut ulorianartorsiortunik taamatut piniagaqarsinnaanerat ilumut akuerineqarsinnaanersoq.
Josef Motzfeldtip oqaatigaa Naalakkersuisooqatigiit isumaqatigiissutaanni erseqqarissumik allaqqasoq tammajuitsussanik piniartitsisarneq nungusaataanngitsumik ingerlanneqassasoq, tamannalu sioqqullugu isumasiuinerit ingerlanneqaqqaartassasut.
Ullumikkut piniartut nannuttamik amiinik tunisaqaraangamik 6000-9000 koruunit tungaanut isertittarpaat, taamaattumillu takornarianik nannunniartitsisarnerit piniartut aningaasarsiornerannut iluaqutaassasoq Josef Motzfeld oqarpoq.