Sermitsiaq saqqummerpoq
Sermitsiaq kiisami ullumi saqqummerpoq.
Atuagassiaq sermitsiaq pisarnerut tallimanngormat saqqummertussaangaluarluni ullumi aatsat saqqummerpoq, tamanna nunatta naqiteriviani teknikkikkut ajutoorsimaneq pissuteqarpoq. Tamanna atuartartunit pisartagalinnillu ulluni marlunni apersuutigineqarlunilu utaqqikatanneqalersimavoq. Pissanngatigineqartunummi ilaavoq ukioq 2004-mi kina ukiup uuarsuatut ajugaatinneqarsimanersoq.
Kiisamilumi aamma ukiup uuarsua aamma paasineqarpoq, tassa Siumumeersoq naalakkersuisut siulittaasuat Hans Enoksen. Sermitsiami atuartartut Hens Enokseni ukiup uuarsuatut toqqaanerminni tunngavilersuutigaat Enoksenip politikkikkut sulinerata siunissamullu pilersaarutai ersernerluppallaarmata.
Ukiup uuarsuatut nr. 2-nngortoq tassaavoq Aalisarnermut naalakkersuisuusimasoq Simon Olsen, maannakkut inatsisartut aningaasaqarnermut ataatsimiititaliaani siulittaasuusoq. Sermitsiap allaaserinninnermini Aalisarnermut pisortaqarfik piumasaarsornermut pisortaqarfimmik taasimavaa.