Illoqqortoormiuni toqutsisoqarpoq
01. januar 2005 13:30
Illoqqortoormiuni angut 44-nik ukiulik savimmik kapineqarluni ullaaq toqutaavoq. Toqutaasup ilaqutaa nukappiaq 16-nik ukiulik toqutsisuulluni nassuersomasoq Illoqqortoormiuni politiit pisortaat Niels-Juel Tilsted ilisimatitsivoq. Toqutsinermut suna pissutaanersoq politiit pisortaata oqaatigisinnaannginnerarpaa, suli paasiniagassaqarmat.
16-nik ukiulik sapaatip akunnera tigummineqarallartussanngorpoq, toqusunillu misissuisartut misissuiartussapput, qaqugulu taimaaliussanersut Niels-Juel Tilstedip oqaatigisinnaanngilaa.