Naalakkersuisuniit Inatsisartut aningaasanut ataatsimiititaliaannut qinnuteqaat, tassalu Asiami ajunaarnersuarmut atatillugu Namminersornerullutik Oqartussat ikiorsiissutissaat, ataatsimiititaliap ullumi akueraa 1 million 120.000 kronet aningaasaliissutigalugit, ataatsimiititaliallu siulittaasua, Simon Olsen oqarpoq ataatsimiititaliap ilaasortaasa tamakkiisumik isuma taanna taperseraat
Simon Olsen aamma oqarpoq pinngortitakkut taamarujussuaq ajunaarnermut atatillugu silarsuarmioqataanerput ikiuerusussuseqarnerpullu takutinniarlugu naalakkersuisut pilertortumik suliniuteqarnerat ataatsimiititaliap iluarisimaaraa.