Atugaat nalunngikkaluarlugit ilinniarput
Persorsaasunngorniat ukiumut qulit tyvillu akornanni amerlassusillit ilinniarlutik naammassisarput. Sisamanngorpat perorsaasut nutaat 17-t naammassissapput, persorssasullu sulinerminni atugaasa pitsaannginnerat eqqarsaatiginagu meeqqanik sullissilernissartik qilanaaraat. Johanne Olsvig Persorsaasunngorniat Ilinniarfianni naammassilersut ilagaat.
-Nalunngikkaluarpara perorsaasut qanoq atugaqartut, pingaartumillu akissarsiaat qanoq mikitigisut, taamaattoq soqutigigakku perorsaasunngorniarpunga.
Johanne Olsvig allagartartaareeruni aatsaat qinnuteqassamaarpoq, Sisimiunilu suliffissarsiornissi siunniussimavaa. Sisimiunilumi atorfissaqartinneqarluarpoq, Sisimiummi Kommunianni perorsaasutut pisariaqartinneqartut sisamararterutaat amigaatigineqarput.
Karoline Egede Nuummi atorfinereerpoq. Aamma taassuma perorsaasut atugaasa naammaginannginnerat uniffiginagu perorsaasunngorniarluni ilinniarpoq. Nuummi perorsaasutut atorfiit 114-iusut pingajorarterutaat inuttassaaleqissunneqarput.
-Namminersulerniarutta meeqqerisut atorfissaqartippagut. Akissarsiat appasinnerat uniffigisinnaagaluarpara, naatsorsuutigaarali perorsaasutut suliinnassallunga, Karoline Egede oqarpoq.