Qernertat pisataannik EU-mut eqqusseqqusiunnaarneq aalajangiunneqarpoq
14. december 2004 07:14
Qilalukkat qernertat mattaanik tuugaavinillu nunatsinniit Europamut eqqussisoqarsinnaajunnaassasoq EU-p ilisimatusarnermut komitiia ippassaq aalajangerpoq. Avatangiisinut ministereqarfimmi atorfillip Niels Nielsenip oqarnera naapertorlugu tunngavilersuutigineqarpoq Kalaallit Nunaani qilalugartassanik pisassiisaleraluartoq pisassat suli amerlavallaartut.
Kalaallit Nunaat qilalukkat pillugit nalunaarusioraluarpoq, ilaasortalli 25-t, tamarmik ilisimatuujusut, isumaqatigiillutik eqqusseqqusiunnaarnermik aalajangiisimasut, Niels Nielsen oqarpoq.