Politiit atisartaalersut
11. december 2004 13:56
Politiit atisaat allanngortussanngorput.
Politiit atisaat qanoq ittuuneri amerlanerusugut nalugunanngilavut, tassa tungujortunik ilulleqarput qillalaartortalinnillu qernertunik jakkeqarlutik. Maannalu qillalaartortaqarunnaassapput qernertuussallutillu. Taama nutaarsiassaqartitsivik Ritzaus Bureau ullumi allappoq.
Atisat nutaat siulliit sapaatip akunnerata tulliani atorneqalissapput, aamma nunatsinni Jyllandillu avannaani atisat nutaat atoqqaartinneqassapput.
Jakkit ukiualuit matuma siornali pilersaarutigineqarsimapput, atorsinnaassusaallu misiligarneqarsimallutik, aamma sulinermi naleqqunnersut nalilersorneqarsimapput. Taamaassimappullumi, tassa kaasarfippassuaqarput ilaatigut immaqa ujaasikuttoorfiusarsinnaasunik.