Dankortit chippitallit ajoqutaat suli paasineqanngilaq

Dankortit nutaat chippitallit ajornartorsiutaanerat oqallisaajuarsinnaarpoq, sulilu arlaannaataaluunniit suna ajoqutaanersoq paasisinngilaa, Danmarkimilu kortit procentiisa affaat ajorput, nunatsinnili naammagittaallitortoqanngikkaluartoq taamaattoq Grønlandsbankip ilisimatitsissutigaa kortit ajornartorsiutaasinnaanerat.

- Kortinik pisiffigisarput attavigereerparput, taakkulu

qulakkeereersimavaat kortit ilaat ajoquteqartut, chippitaali kortitaaluunniit ajoquteqanersoq aamma naluaat, oqaatigisinnaanagulu suna ajoqutaanersoq, Per Skaaning Grønlandsbankimi fuldmægtigiusoq oqarpoq.

Ajoqutaasoq paasiniarlugu Grønlandsbankip Dankortiutai Visadankortiutaalu chippitallit pisiffigisamit maanna misissoqqissaarneqarput.

Kortitaarsimagaanni terminalinilu nutaaq atoraluaraanniluunniit korti ajorataannaavoq. Maannamut dankortit chippitallit magnetitallillu sumiiffinni assigiinngitsorpassuarni terminalini atorneqartarput.

Korti chippitalik pisiniarfinni assigiinngitsuni misilinneqarsinnaavoq aamma sinerissami. Soorlu Nuummi Katuami naluttarfimmi atorneqarsinnaavoq.