Tillinniat pineqaatissinneqartut
Nuummi tillinniat inuusuttut sapaatip akunneri pingasut qaangiummata tigusarineqartut eqqartuunneqareerlutik pineqaatissinneqarput.
Kattullutik tilliniartartoqatigiit pingasut pineqaatissinneqarput.
21-nik ukiulik ukiumik ataatsimik, 23-nillu ukiulik qaammatini qulingiluani anstaltimi parnaarussassanngorlugit pineqaatissinneqarput, 16-nillu ukiulik ukiuni marlunni nakkutigisassanngortinneqarpoq, ukiuata aappaani angerlarsimaffimmut allamut inissinneqassalluni.
Pineqaatissinneqartut pingasut 60-eriarlutik angerlarsimaffinnut suliffeqarfinnut angallatinullu tillinniartarsimapput, aasarlu aningaasaasivimmit 20.000 kr.-nik tillissimasut, Nuummi politiit pisortaat Karl-Henrik Simonsen oqarpoq.
Inuusuttuaqqat allat pineqaatissinneqartunut attuumassutillit 14-nit 20-t tungaanut ukiullit suli suliassaapput.