Innarluutilinnik sullissilluartut kajumissaaserneqartut

Ilaqutariinnermut Peqqissutsimullu Naalakkersuisoq Asii Chemnitz Narup innarluutillit ulluannut atatillugu kajumissaasiivoq. Tasiilami nakkutigineqarluni sulliviup Qaaliap atuisut ataasiakkaat piginnaasaat qitiutillugit sulisoqartarnini pillugit 50.000 kr.-nik kajumissaaserneqarpoq.

Aamma Kuummiuneersoq Karl Boassen 10.000 kr.-nik kajumissaaserneqarpoq, ajutoornermi kingunerisaanik pisussinnaajunnaaraluarluni unittoorutiginagu NUKA A/S-imi suliffimmini ataannarnera pillugu. Karl Boassenip sunngiffini pinialunnermut aalisarnermullu atortarpaa.

Ilulissani pisiniarfik Super 1 innarluutilinnik allatulli suliffeqarnissamut periarfissaqanngitsunik sulisoqartarnini pillugu 5.000 kr.-nik kajumissaatisivoq.

- Innarluutillit nalilittut misiginissaannut tunniusseqataavusi. Asii Chemnitz Narup kajumissaasiinermi ilaatigut oqarpoq.

Ilulissani kajumissaasiineq Qanoruumi tassuugu takutinneqassaaq.